Jeton në SHBA, mjeku shqiptar: Distancimi social në Shqipëri është serioz, por duhen testime në masë

Gjendja në vendin tonë paraqitet e rënduar prej Covid-19. Thirrjet për të qëndruar në shtëpi dhe për të respektuar distancimin social vazhdojnë.

Mjeku shqiptar, Arjet Gega që jeton në SHBA ka thënë se distancomi social në vendin tonë është marrë shumë seriozisht. Kjo është një gjë shumë e mirë ka thënë, por duhet të bëhen testime në masë.

Gega ka kujtuar edhe se në fillim shqiptarët u shprehën se ishin të fortë sepse pinin raki dhe hanin hudhra, por kjo ishte kur nuk kishte asgjë rast ka theksuar më tej ai.

Mjeku është shprehur kështu:

Mesa kam ndjekur nga mediat, Shqipëria ka investuar gjithçka te distancomi social. Në fillim u tha se jemi të fortë, hamë hudhra dhe pimë raki dhe nuk do të na zërë ky virus, ishte kur nuk kishim asnjë rast. Pas rastit të parë mendoj se është bërë një distancim social shumë serioz. Por ajo që mua më duket, ngjashëm me Amerikën që ka sjellë situatën ku jemi, është mungesa e testimeve dhe mungesa e investigimit serioz epidimiologjik.

Kujtojmë këtu se gjatë ditës së sotme mjeku Pipero u bëri edhe një herë apel shqiptarëve për të qëndruar në shtëpi, pasi nga Covid-19 mund të prekemi të gjithë tha ai, sepse është një virus që nuk bën përjashtime.