JOQ Albania
Home

77-vjeçari me koronavirus në Kosovë/ Nipi: Gjyshi është mirë, është shëruar
Shkruar nga: S Shtjefni | Publikuar më: 02/04/2020 21:21

  • Share
  • Share
  • Share
  • Share

Edhe Kosova është nën ethet e koronavirusit. Midis të infektuarve është dhe një burrë 77-vjeçar nga Stublla e Vitisë.

Sipas mediave në Kosovë, ai ishte i infektuari i parë në Kosovë. Burri i moshuar kishte ardhur nga Italia në Kosovë.

Kurse së fundmi raportohet se ai është në gjendje shumë të mirë shëndetësore.

Nipi i tij, Nikollë Martini ka treguar:

Gjyshi është shumë mirë. Është ende në Infektiv. Po shpresojmë të lirohet së shpejti. Normal është shëruar. Por janë duke e testuar ende. Për atë po qëndron ende në infektiv për ta siguruar shërimin e tij.

Nipi i 77-vjeçarit është shprehur edhe se gjyshi i tij, falenderon gjithë ata që janë kujdesur dhe po kujdesen për të.

Po ashtu edhe në Kosovë vazhdojnë thirrjet për të qëndruar në shtëpi dhe për të respektuar distancimin social dhe higjenën personale. Kujtojmë këtu se gati e gjithë bota është në psikozë prej Covid-19.