Kanada/ Mbi 10 mijë të infektuar me koronavirus, rritet me 21% numri i viktimave

Kanadaja tani ka më shumë se 10,000 raste të koronavirusit dhe numri i vdekjeve është rritur 21% nga një ditë. Ditën e djeshme, u raportuar zyrtarisht 105 viktima, ndërsa sot numri total arriti në 127. 22 pacientë kanë ndërruar jetë brenda këtyre 24 orëve dhe janë shënuar 1115 raste të reja.

Një nga shqetësimet kryesore momentalisht, është përhapja e virusit nëpër azile. Jo vetëm për shkak të moshës së thyer të personave që ndodhen në to, por edhe për faktin që tashmë një pjesë e mirë e stafit që kujdeset për të moshuarit nuk po paraqitet më në punë.

Nga ana tjetër, mjekët kanë ngritur shqetësimin për mungesën e pajisjeve mbrojtëse, ku më kryesorja momentalisht është mungesa e theksuar e maskave. Kryeministri Justin Trudeau tha se janë porositur mbi 10 milion maska, të cilat pritet të vihen në dispozicion të mjekëve përgjatë kësaj jave.

Në një njoftim zyrtar, Trudeau tha:

Kemi porositur 10 milion maska. Një pjesë e tyre ka mbërritur në destinacion dhe po fillon shpërndarja e tyre. Do mundohemi t’i vemë në dispozicion të mjekëve sa më shpejt të jetë e mundur. Masa të tjera do të merren, përsa i përket nevojave të sistemit shëndetësor në vazhdimësi.

Burimi: Reuters|Përktheu dhe Përshtati: JOQ Albania