JOQ Albania
Home

Itali/ 760 jetë të humbura në 24 orë nga koronavirusi, 33 viktima më shumë se dje
Shkruar nga: V Gashi | Publikuar më: 02/04/2020 18:20

  • Share
  • Share
  • Share
  • Share

Autoritetet italiane kanë përditësuar të dhënat mbi situatën e koronavirusit gjatë 24 orëve të fundit, ku vihet re sërish një rritje e numrit të viktimave, në krahasim me një ditë më parë.

Ndërsa dje humbën jetën 727 persona, Mbrojtja Civile raportoi se sot u shënuan 760 viktima, ose 33 më shumë se një ditë më parë.

E premtja e javës së kaluar ishte dita më vdekjeprurëse nga koronavirusi në shtetin fqinj, ku u raportua për 969 viktima brenda 24 orësh.

Numri total i viktimave nga Covid-19 në Itali këtë të enjte ka shkuar në 13,915.

Sipas të dhënave zyrtare, numri total i të infektuarve nga koronavirusi, përfshirë edhe ata që janë shëruar dhe viktimat, ka shkuar në 115,242.

Këtë të enjte janë konfirmuar edhe 4668 raste të reja, duke e çuar numrin total të rasteve aktive në 83,049.

Nga shpërthimi i epidemisë e deri më tani, 18,278 pacientë janë shëruar plotësisht nga koronavirusi, ndërkohë që 4053 të tjerë ndodhen në gjendje kritike për jetën, në kujdes intensiv.

Ditën e sotme janë kryer mbi 38 mijë teste për koronavirus, 5 mijë më shumë se dje.

Burimi: La Repubblica|Përktheu dhe Përshtati: JOQ Albania