6 muajshe shtatzënë me Koronavirus, 39-vjeçarja që përloti rrjetin mund sëmundjen!

Karen Mannering nga Herne Bay në Kent është gjashtë muajshe shtatzënë në pritje të fëmijës së saj të katërt. 39-vjeçarja filloi të vuante nga një kollë e vazhdueshme dhe ethet gjatë javës së dytë të marsit.

Telefonova 999 pasi frymëmarrja ime dukej aq keq sa një ambulancë ishte në shtëpinë tonë brenda disa minutash. E kasha të pamundur të mbushesha me ajër ndaj edhe më vendosën menjëherë një maskë oksigjeni.

Karen rezultoi pozitive për Covid-19. Ajo kishte pneumoni në të dy mushkëritë e saj dhe qëndroi e izoluar në një dhomë spitalore për një javë.

Askush nuk lejohej të vinte e të më shihte. Ishte një periudhë shumë e vetmuar dhe e errët. Ndejta e shtrirë në shtrat për dy ose tre ditë. Nuk mund të shkoja as në tualet. Isha vazhdimisht në telefon me familjen timeqë mq mbanin të qetë dhe më jepnin kurajo. Isha e frikësuar se nuk do mund të mbijetoja dhe familja ime ishte përgatitur për më të keqen. Luftova për çdo frymëmarrje, luftova…për veten dhe foshnjën time!

Karen thotë se nuk do ta harrojë kurrë ndjesinë e ajrit të freskët dhe të ftohtë në fytyrën e saj ditën kur u largua nga spitali.

Burri im dhe unë u futëm në shtëpi me maska dhe dritaret u hapën. Ajëri ishte i mahnitshëm.

Tani Karen është izoluar në shtëpi, por në një dhomë larg nga pjesa tjetër e familjes së saj. Ajo po bëhet më e fortë, por ka akoma një kollë të thatë që mund të zgjasë disa muaj.

Ajo beson se mund të kishte kontraktuar koronavirus në sallonin e bukurisë ku punon, por ajo kurrë nuk mund ta dijë me siguri.

Burimi: bbc Përktheu dhe Përshtati: JOQ Albania