JOQ Albania
Home

Ndihma për njerëzit në nevojë?!/ Bashkia Berat i shpërndan tek familjarët e vet
Shkruar nga: L Çela | Publikuar më: 02/04/2020 16:17

  • Share
  • Share
  • Share
  • Share

Qeveria shqiptare prej ditësh ka nisur shpërndarjen e ndihmave ushqimore në familjet “e personave në nevojë”.

Në rrjetet sociale të kryebashkiakut Erjon Veliaj qarkullojnë video dhe foto të momenteve kur persona të ndryshëm shpërndajnë ndihma.

Por të shpeshta kanë qenë rastet e denoncimeve që kanë mbërritur në redaksinë e JOQ Albania ku me këto ndihma është abuzuar dhe është bërë shpërndarja selektive e tyre.

Një tjetër denoncim vjen sot nga qyteti i Beratit ku Bashkia Berat duket se ka “dhuruar ndihma” tek të afërm të punonjësve të saj.

Rasti në fjalë denoncuar nga qytetari është një video ku duket një grua e moshuar teksa merr “ndihma” nga Bashkia por që në të vërtetë ajo është, gjyshja e sekretares së kryebashkiakut të Beratit.

Mjafton të shikoni videon në minutin 2:17, moment kur dera e një banese hapet dhe gruaja që merr ndihmën duke falenderuar punonjësen është mamaja e Rajmonda Agalliut, punonjëse në zyrën e punës ndërsa mbesa e saj quhet Bora Agalliu, sekretare në Bashki.