Dy pacientë të prekur me Covid-19, kanë shfaqur komplikacione të rënda me shëndetin, e për pasojë kanë lënë spitalin Infektiv. Ata janë dërguar me urgjencë drejt Sanatoriumit.
Mësohet se dy pacientët kishin shfaqur pneumoni bilaterale dhe se po transferohen te ‘Shefqet Ndroqi’ pikërisht për këtë arsye, pasi ky spital është i specializuar për kurimin e mushkërive.
Në Sanatorium ndodhet gjithashtu edhe një paciente 19-vjeçare e prekur me koronavirus, por që iu nënshtrua një operacioni kirurgjikal.
Numri më i madh i pacientëve është në spitalin Infektiv, ku deri më tani numërohen 81 të shtruar.
Kujtojmë se në Shqipëri kanë humbur jetën 16 persona, ndërkohë që numri i të prekurve ka shkuar në 277.