Ka shkuar në 8 numri i personave të infektuar nga koronavirusi në Elbasan. Mësohet se tre të infektuarit e fundit janë anëtarë të një familjeje.
BË raporton se ata janë nëna 52 vjeç dhe dy vajzat e saj, 23 dhe 25 vjeç.
Nga testimi, mësohet se babai ka rezultuar negativ. 52-vjeçarja e infektuar vuan nga diabeti. Ajo është punonjëse e një banke të nivelit të dytë me një staf prej të paktën 23 punonjësish.
Dyshohet se dy javë më parë 3 rastet e reja kanë patur kontakt me persona të tjerë të konfirmuar pozitivë më herët.
52-vjeçarja është dërguar në Tiranë mbrëmjen e të mërkurës, ndërsa pjestarët e familjes së saj ndodhen në karantinë.