Italia prej disa javësh paralizuar totalisht nga pandemia e koronavirusit, teksa njerëzit janë izoluar për të parandaluar më shumë përhapjen e këtij virusi.
Në itali jeton prej vitesh dhe aktivizohet me ekipin e Peskarës edhe futbollisti i kombëtares shqiptare, Ledian Memushaj.
Ky i fundit, gjatë një interviste për "Supersport" ka treguar situatën që po kalon Italia momentalsiht, ndërsa ka rrëfyer gjithashtu se vëllai i tij ka 10 ditë me simptomat e COVID-19, por ende nuk e ka bërë tamponin.
Memushaj tha:
Po bëjmë gati një muaj që jemi mbyllur në shtëpi dhe është gjë e vështirë. Nuk rrihet në shtëpi. Sa hap televizorin dhe sheh lajmet degjon vetëm për njerëz dhe të vdekur dhe të infektuar, prandaj bëhen akoma më të vështira këto ditë. Çdo ditë këtu ngjan sikur do të jetë pak më mirë, por është akoma më keq gjendja. Tani sikur po përmirësohet pak sepse po ulet numri njerëzve që shkojnë në spitale. Por besoj se do zgjasë akoma si situatë, besoj se akoma një muaj do zgjasë. Në familjen time jemi të gjithë mirë. Kam vëllain, i cili ka 10 ditë me simptoma, por nuk ka bërë tamponin dhe ata nuk ta bëjnë po nuk pate disa efekte të tjera.
