Jeton në mjerim/ Kjo grua me ndihmën ekonomike s’do blejë bukë do paguajë dritat

Gjendja në vendin tonë paraqitet e rënduar prej Covid-19. Ndërkohë që shumica e shqiptarëve janë duke kaluar ditë të zeza.

Ata kanë pak kursime mënjanë për të kaluar këtë situatë. Disa ndoshta nuk kanë fare kursime dhe janë duke vuajtur për një copë bukë.

Sjellim në kujtesë që edhe pse shqiptarët janë në ditë të vështira faturat e dritave do të paguhen një më një si tha Rama. Ata që nuk paguajnë do t’u priten dritat. Kjo do të bëhet sepse në të kundërt OSHEE-ja do shkonte në gropë.

Historia e Shqipe Tinës është akoma më e trishtë. Ajo jeton ende në shtëpinë e shkatërruan nga tërmeti i 26 nëntorit në fshatin Gjoricaj në Ishëm.

Kjo grua po kalon shumë ditë të vështira dhe thotë se dhe ndihmën ekonomike që merr do e përdor vetëm për të paguar energjinë elektrike. Për ‘ora news’ ajo ka thënë:

Fle me frikë të madhe. Nuk kam çfarë të bëj. Lekët e mia nuk dalin për asgjë.

Halli i kësaj gruaje 55 vjeçe është se ku do të gjejë bukë, për të mbarjtur frymën gjallë. Ajo apelon që shteti ta ndihmojë.