Epidemia e koronavirusit ka goditur fort edhe ekonominë e Barcelonës.
Klubi katalanas ka vendosur që të mos presë më lojtarët për përgjigjen e tyre dhe ka shkurtuar rrogat për periudhën e kohëzgjatjes së ndërprerjes të aktivitetit si pasojë e koronavirusit.
Drejtuesit dhe përfaqësuesit e lojtarëve po negocionin prej dy ditësh, por nuk u gjet gjuha e përbashkët.
Së fundmi, bordi doli me një komunikatë ku bënte të ditur se do të kishte ndërhyrje dhe se një pjesë e pagesave që kishin lidhje me departamentin e sportit dhe të administratës do të pësonin shkurtime.
Kështu, akordi nuk u aarrit dhe Barcelona vendosi të mos priste më Messin me shokë, duke paralajmëruar se nuk përballonte dot shpenzimet për ata.