Daniele Rugani ka qenë një nga futbollistët e parë, i cili ka rezultuar pozitiv ndaj koronavirusit në Itali. Klubi torinez e konfirmoi se italiani ishte i infektuar në 11 mars, por e dashura e tij ka zbuluar disa fakte tronditëse.
Ajo ka treguar se futbollisti kishte ndjerë simptoma të koronavirusit në 7 mars, teksa në 8 mars bëri tamponin, pikërisht në ditën që u luajt edhe ndeshja me Interin.
Përgjigja e analizave doli në 9 mars dhe aty u zbulua se mbrojtësi ishte pozitiv.
Megjithatë këtu duket papërgjegjshmëria e Ruganit, i cili ndonëse kishte shfaqur simptoma përsëri vendosi të qëndrojë me skuadrën e tij për ndeshjen me Interin, ku rrezikoi të infektonte edhe të tjerët.
Pak ditë më vonë, te Juventusi të infektuar rezultuan edhe Matuidi dhe Paulo Dybala. Padyshim një veprim skandaloz i mbrojtësit, Daniele Rugani.
