JOQ Albania
Home

Koronavirusi, emigranti shqiptar publikon pamjet nga SHBA-ja: Supermarketet janë boshatisur!
Shkruar nga: V Gashi | Publikuar më: 17/03/2020 2:05

  • Share
  • Share
  • Share
  • Share

Një emigrant shqiptar që jeton në SHBA ka dërguar një mesazh në redaksinë e JOQ Albania, ku shihet situata e krijuar nga koronavirusi në shtetin amerikan.

Ai ka dërguar disa foto ku shihet se si janë boshatisur supermarketet në Michigan, Detroit, në qytetin Shelby Twp.

Fotot janë bërë në rrjetin e njohur të supermarketeve Kroger, ndërsa në rafte nuk gjendet më asnjë produkt.

Ai shkruan:

Pershendetje JOQ! Keto foto jane bere sot ,para rreth 18:20 me oren ketu, ne Michigan/Detroit Usa 🇺🇸 Qyteti: shelby twp. Fotot jane bere ne rrjetin e njohur te supermarketeve Kroger. Ju pershendes nga SHBA, ju deshiroj gjitha te mirat,BE SAFE!

Kujtojmë këtu që pak ditë më parë presidenti amerikan, Donald Trump, shpalli gjendjen e emergjencës kombëtare në SHBA.

Sipas të dhënave të përditësuara së fundmi, numri i viktimave nga koronavirusi në SHBA ka shkuar në 87, ku 19 prej tyre kanë humbur jetën vetëm gjatë orëve të fundit.

Numri total i rasteve me koronavirus në SHBA që nga shpërthimi i virusit është 4,667, nga të cilat 74 kanë mundur të shërohen plotësisht.

Një situatë e ngjashme u pa edhe në Itali tre javë më parë, ku qytetarët u dyndën drejt supermarketeve pas shpërthimit të koronavirusit, për të blerë produkte ushqimore.