Kompania e krijuar nga Ministria e Brendshme, “Illyrian Guard Sha” e cila do të merret me ruajtjen fizike të ndërtesave shtetërore ka shpallur fituesin për tenderin me objekt blerjen e radiove të komunikimit.
Vlera e këtij tenderi kap shifrën e 90 milion lekëve (me tvsh), e cila mund të thuhet se është një shifër mjaft e lartë, pasi me këtë shifër mund të blihen me qindra radio komunikimi.
Fituesi i tenderit nga Illyrian Guard
Tenderi nga "Illyrian Guard" u hap me 14 janar 2020. Ndërsa fituesi i tij është shpallur në fund të shkurtit. Kompania që merr të drejtën për ta furnizuar me radio, kompaninë e Lleshit është “Aes Communication”.
Në specifikat e tenderit shkruhet se llojet e radiove që kërkohen janë 200 Radio LTE, 50 radio portable digitale DMR, UHF dhe 45 Radio Walkie-Tolkies. Pra në total 295 radio, nga ku sipas kërkimeve të gjitha këto radio së bashku kushtojnë rreth 20 mijë dollarë.
Edhe pse u përfol se “Illyrian Guard” do të ruante të gjitha ndërtesat shtetërore, faktet tregojnë të kundërtën pasi shumë institucione kanë hapur tendera pë ruajtjen e tyre dhe se fitues nuk rezulton të jetë kompania e cila është nën varësi të Sandër Lleshit, por kompani të ndryshme private.
Kompania “Aes Communication Shpk” me pronar Jani Angjeli, sipas të dhënave të Thesarit, në 4 vitet e fundit ka përfituar nga buxheti i shtetit rreth 5 miliard lekë. JOQ ALBANIA
