JOQ Albania
Home

Kishte dalë për shëtitje, qytetari nga Durrësi vë duart në kokë kur sheh plehrat që kishin “pushtuar” rezervuarin
Shkruar nga: V Gashi | Publikuar më: 01/03/2020 19:30

  • Share
  • Share
  • Share
  • Share

Mjedisi ku jetojmë dhe zhvillojmë veprimtarinë tonë, është mjaft i rëndësishëm.

Ndotja është një ndër problemet më të mëdha që rrezikon mjedisin, ndërsa faktori kryesor është vetë njeriu dhe veprimtaria e tij.

Të shumta kanë qenë mesazhet që kanë mbërritur në redaksinë e JOQ Albania, ku tregohet se si ndotet mjedisi nga vetë njerëzit.

Së fundmi, një qytetar nga Durrësi, i cili kishte dalë për shëtitje në një nga rezervuaret e zonës së Porto Romanos, ka mbetur i shokuar nga mbeturinat që kishin hedhur buzë ujëmbledhësit.

Siç shihet dhe në video, bregu i këtij rezervuari është shndërruar në një "kosh" mbeturinash.

Sipas qytetarit, ky vend mund të bëhej një park, por hedhja pa kriter e mbeturinave nga individë të papërgjegjshëm dhe mungesa e masave të ndërmarra nga instancat përkatëse, ka bërë që gjërat e bukura të mos vlerësohen në këtë vend.

Ky nuk është rasti i parë që të tilla pamje mbërrijnë në redaksinë e JOQ Albania, ndërsa duhet theksuar se masat e ndërmarra nga ministria e Bujqësisë dhe Zhvillimit Rural për mbrojtjen e mjedisit lënë shumë për të dëshiruar.