Gazetari dhe aktivisti, Aulon Kalaja, ka folur për Konferencën e Donatorëve, që u mbajt dje në Bruksel, ku Shqipëria përfitoi një shumë prej 1.15 miliard eurosh, ku pjesa më e madhe e së cilës ishte në formë kredie.
I ftuar në studion e Fax News, ai tha se pas këtyre donancioneve duhet filluar nga puna për rindërtimin e banesave të shkatërruara nga tërmeti i 26 nëntorit.
Sipas tij, rindërtimi duhet të kishte nisur menjëherë pas fatkeqësisë edhe me lekët e buxhetit të shtetit, e jo të niste tre muaj pas fatkeqësisë.
Ai tha:
Procesi i rindërtimit duhej të kishte nisur, jemi 3 muaj pas fatkeqësisë. Është shumë vonë pasi rindërtimi duhet të kishte filluar tanimë edhe me aq pak lekë sa ka buxheti i shtetit tonë. Shuma e dhuruar dhe huatë nuk ishin për qeverinë, por për shqiptarët, aq sa kanë dhuruar aq herë faleminderit. Tani që fondet janë duhet filluar nga puna por përsëri kjo nuk mjafton, duhet të monitoret në çdo hap ky proces dhe unë kam besim vetëm tek ekspertet e huaj. Edhe ata që kanë dhuruar, nuk janë trajtuar denjësisht nga burokracitë e shtetit si për shembull rasti i Bebe Rexhes ku premtoi ndërtimin e disa banesave, por faza e aplikimit hka asur stërkëmbësha nga burokracitë e shtetit."
Gazetari ka bërë edhe një akuzë të fortë për abuzimin që sipas tij ka ndodhur me ndihmat për të prekurit nga tërmeti në fshatin Bubq.
Ai tha se ndihmat që do vinin në një qendër vullnetare në të cilën ka qenë i angazhuar, i kanë marrë dhe i kanë çuar mbrapa malit të Dajtit, ku i kanë groposur.
Kalaja u shpreh:
Na kanë marrë ndihmat që do vinin në qendrën tonë dhe na i kanë çuar mbrapa malit të Dajtit dhe i kanë groposur."
Gazetari tha se nëse projektet nuk dorëzohen në afat, mund të humbin fondet.
Sipas tij, afatin 2021 Rama do ta përdorë për zgjedhjet.
Ai tha:
Nëse nuk dorëzohen në afat këto projektet e zbatimit edhe mund të humbin prandaj nuk ështe koha për lavdi po për punë. Afati 2021 është strategji politike pasi Rama do e përdorë këtë për zgjedhjet, më jep votën të jap çelsat."