JOQ Albania
Home

Boris Johnson i jep fund martesës 25-vjeçare, ish-gruaja përfiton 4 milion paund nga pasuria e tij
Shkruar nga: V Gashi | Publikuar më: 18/02/2020 20:56

  • Share
  • Share
  • Share
  • Share

Kryeministri i Mbretërisë së Bashkuar, Boris Johnson i ka dhënë fund martesës së tij me Marina Wheeler.

Çifti nuk bashkëjetonin që prej vitit 2018 me njëri tjetrin, pas disa mosmarrëveshjeve për pasurinë.

Zgjidhja e martesës së tyre u zgjidh pas një seance dëgjimore që u zhvillua në Londër.

Në seancë nuk merrte pjesë asnjë prej tyre, ndërkohë gjyqtarja e çështjes, Sara Gibbons, i dha leje Wheeler-it për aplikimin e një dekreti absolut, që do t'i jepte fund martesës së tyre.

Po ashtu, në seancë nuk u lejua të merrte pjesë asnjë person nga publiku, ndërsa reporterëve iu kërkua të mos jepnin detaje në lidhje me marrëveshjen financiare.

Sipas marrëveshjes financiare, gruas i takojnë 4 milion paund nga pasuria e Boris Johnson. Deri më tani ky informacion ende nuk është zyrtarizuar, por vetëm ka qarkulluar në mediat britanike.

Johnson dhe Wheeler i dhanë fund martesës së tyre 25-vjeçare. Ata janë prindër të katër fëmijëve.

Burimi: Sky News|Përktheu dhe Përshtati: JOQ Albania