JOQ Albania
Home

Ulen aksidentet rrugore në muajin janar
Shkruar nga: L Çela | Publikuar më: 18/02/2020 20:23

  • Share
  • Share
  • Share
  • Share

Janari i këtij viti ka shënuar më pak aksidente rrugore, ndërsa dhe numri i atyre që kanë humbur jetën në to ka rënë lehtë.

Sipas INSTAT, në muajin Janar 2020 numërohen 93 aksidente rrugore nga 104 aksidente të ndodhura në muajin Janar 2019, duke u ulur me 10,6 %, krahasuar me të njëjtën periudhë të një viti më parë.

Në muajin Janar 2020, numri i të aksidentuarve (të vrarë dhe të plagosur) është 122 persona nga 153 që ishte në Janar 2019, duke u ulur me 20,3 %.

Në muajin Janar 2020, numri i të vdekurve nga aksidentet rrugore është 16 persona nga 15 persona të vdekur në Janar 2019, shkruan "monitor".

Në muajin Janar 2020, aksidentet rrugore, në 79,6 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-moshat 25–34 vjeç dhe 45-59 vjeç, ku të dyja grup-moshat zënë nga 25,8 % të numrit të aksidenteve gjithsej. Aksidentet në grup-moshën 25-34 vjeç janë ulur me 20,0 %, ndërsa në grup-moshën 45-59 vjeç janë rritur me 33,3 %, krahasuar me të njëjtën periudhë të një viti më parë.