JOQ Albania
Home

U prangos sot, kush është 27-vjeçari pjesë e grupit kriminal me biznesmenë dhe policë
Shkruar nga: S Shtjefni | Publikuar më: 18/02/2020 18:15

  • Share
  • Share
  • Share
  • Share

Një 27-vjeçar u arrestua mëngjesin e sotëm. Me dije u bë se ai është Bajram Hidri, banues në Vinjollë, Kurbin. Hidri kishte kohë që ishte në kërkim.

Por kush është Bajram Hidri?

27-vjeçari, Bajram Hidri nuk është një emër i panjohur për blutë e Lezhës. Mbi të rëndojnë një sërë akuzash si  "Kultivimi i narkotikëve ","Kryerja e veprave penale nga organizatë kriminale dhe "Grup i strukturuar kriminal".

Hidri ishte pjesë e një grupi kriminal me biznesmen dhe policë që merreshin me kultivimin e lëndëve narkotike.

Pjesatarët e këtij grupi mes të cilëve ishte dhe Hidri bënin grirjen dhe paketimin e lëndës narkotike brenda një magazine e kanabisi.

Në vitin 2017 biznesmeni i ndërtimit Lefter Nelaj u arrestua për kultivim, financim dhe trafik të lëndëve narkotike. Nelaj ishte personi kryesor që drejtonte këtë grup kriminal.

Kurse polici Zan Kasmi, përdorte informacionin operativ të policisë dhe vinte në dijeni biznesmenin Lefter Nelaj. Ai i tregonte këtij të fundit se cilat do të ishin zonat që do të kontrolloheshin.