Jeton në mes mureve të çara, nëna që po rrit e vetme fëmijët: Shpërtheva në lot, prisja të merrja bonusin

51 jetë u shuan nga tërmeti i 26 nëntorit dhe me mijëra shqiptarë janë në hall të madh, pasi nuk kanë më as një streh ku të fusin kokën.

Shumë prej tyre po jetojnë në banesa që janë dëmtuar shumë nga lëkundjet e forta sizmike të 26 nëntorit.

Fllanza Dardha para tërmetit të 26 nëntorit jetonte në një garsoniere në lagjen numër dy të qytetit të Durrësit.

Ajo mbante shpresa të bonusi i qirasë, por edhe pse emri i doli shpejt në listat e përfituesëve, ajo mësoi se nuk do të fitonte asgjë.

Gruaja tregon:

Më doli emri e para. Shkova në bankë dhe nuk kisha asnjë lekë. Kam shkuar tek bashkia dhe më thanë se kam dalë me DS3, shkallë dëmtimi serioze, por e riparueshme. I thashë çfarë është more zotëri ky DS3-esh. Shpërtheva në lot se unë po prisja të merrja bonusin dhe jo të më dilte shtëpia e banueshme.‘‘

I shoqi i saj ka ndërruar jetë dhe ajo po i rrit e vetme të dy fëmijët e saj 7 dhe 10 vjeç.