Një ngjarje e rëndë është raportuar vetëm pak minuta më parë në Gjilan të Kosovës. Ngjarja ka ndodhur në lagjen “Bojanina” të këtij qyteti.
Një zyrtare e policisë ka vrarë me armë zjarri dy prindërit e saj dhe dy vëllezërit.
Më pas ajo ka vrarë edhe veten. Nuk dihen ende arsyet e ngjarjes së rëndë.
Njoftimi i prokurorisë:
Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje. Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje. Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë."
