Kryeministri Edi Rama ka qenë sot në zonën e plazhit në Durrës.
Ai ka qenë i shoqëruar nga zëvendës ministrja e Brendshme, Rovena Voda dhe së bashku kanë bërë inspektimin e punimeve në njërin prej pallateve të dëmtuar nga tërmeti i 26 nëntorit.
I gjendur përballë ankesës së ndërtuesit për mungesë punëtorësh, Rama i ka kërkuar zëvendës ministres së Brendshme Rovena Voda të fusë në punë punëtorët e Bashkisë.
Po ashtu tha se është miratuar ligji në parlament dhe se do vijnë punëtorë nga jashtë.
Ky është problem, duam punë, duam punë por kur vjen puna për punë mirë që duan punë shteti por edhe kur iu thonë hajde verifikohuni jo të gjitha janë. Kjo është dhe në rajon por këtu tek ne… Ndaj ne kaluam ligjin, që rindërtimin ta kemi pa probleme, do i sjellim punëtorët nga jashtë. Vijnë nga fundi i botës për të punuar në Shqipëri, këta duan rroga shteti. Të marrin punëtorët e ndërmarrjeve, pagën që marrin atje dhe këtë që iu ofron e të punojnë. Konsiderojeni dy punësim, le të marrin dyfishin e pagës, s’ka problem… Çfarë pune di të bësh, asgjë. Çfarë pune do të bësh, doganier.”
Rrugës për inspektimin e një tjetër godine Kryeministri ka parë tre djem në kafe dhe iu foli:
Rama: Hë mo çuna, po rrini, pa punë?
Të rinjtë: Pa punë.
Rama: Po ja ku ka punë, pse nuk shkoni?
Të rinjtë: Në ndërtim?
Rama: Pse çfarë do ti?
I riu: Kam mbaruar shkollën?
Rama: A ke mbaruar shkollën, jurist.
Ai la porosi që mungesa e punëtorëve të zgjidhet me urgjencë:
Kjo e punëtorëve duhet zgjidhur me urgjencë, duke kombinuar punëtorët e bashkisë me të huaj dhe pastaj kush do të vijë nga këta juristët që rrinë aty”.