Provokimet greke në jug të vendit, shpërthen historiani: Shteti shqiptar ka ulur b*thën para Greqisë

Vetëm pak ditë më parë, në fshatin Derviçan të Dropullit, u vendos busti i një ekstremisti anti-shqiptar.

Ngjarja shkaktoi reagime të forta në opinion publik, ndërsa i vetmi reagim që bëri shteti shqiptar ishte ndalimi i disa anëtarëve të një shoqate patriotike shqiptare, që donin të protestonin paqësisht para bustit të Vasil Shahinit, duke lexuar një deklaratë për mediat.

Vasil Shahini u vra nga komunistët më 18 nëntor të vitit 1943. Ai u akuzua si "koka" e agjenturës greke në Shqipëri, që kishte qëllim bashkimin e jugut të Shqipërisë me Greqinë.

Së fundmi, historiani Arben Llalla, ka reaguar ashpër ndaj këtyre provokimeve greke në territorin shqiptar, ku ceku edhe rastin e Kaçifasit.

Në një lidhje të drejtpërdrejtë për emisionin "360 Gradë", Llalla u shpreh se Shqipëria ka qenë gjithmonë tolerante ndaj Greqisë.

Sipas tij, Shqipëria ka ulur b*thën përballë Greqisë, duke e toleruar në shumë çështje.

Ai tha:

Le të flasim për Kacifasin dhe provokimet. Çfarë ndodhi në Athinë kur institucionet greke organizuan paradën për 106 vjetorin për aneksimin e jugut të Shqipërisë. Me britmat e tyre nën bekimin e priftit mallkuan shqiptarët. Unë kam shkruar një shkrim në 2018, ku kam thënë se Kacifas ishte një element i rrezikshëm. Shteti shqiptar ka toleruar shumë, ose mund të them që i ka ulur b...t para Greqisë. U ka thënë urdhoni hajdeni. Kemi zgjerimin e varrezave në Përmet, kemi pagëzimin e eshtrave të fëmijëve të Kosinës, që janë bërë “ushtarë grekë”. Sa për atë që bëri vetëvrasje, unë e kam thënë dhe atëherë, qeveria greke heshti, fshatarët atje në Bularat heshtën. Unë kam qenë në Bularat, kam pirë kafe atje, aty ishte dhe shoferi i konsullatës greke të Gjirokastrës. Ai më tha se Kacifas ishte rrugaç.