Me mijëra shqiptarë mbetën në rrugë të madhe, pas tërmetit të 26 nëntorit. Shumë prej tyre janë ende në çadra, kurse ka edhe nga ata që janë ktyher në shtëpitë që u shpallën të pabanueshme.
Në konferencën e Donatorëve për Shqipërisë në Bruksel u mblodhën 1.15 miliardë euro ndihma për procesin e rindërtimit pas tërmetit të 26 Nëntorit.
Kjo shifër e ka habitur dhe shokuar aq shumë kryeministrin Edi Rama. Ai ka reaguar i shokuar dhe madje gjatë fjalës së tij ka përmenduar Biblën dhe Kuranin.
Rama ka thënë:
Kjo është përtej imagjinatës së shfrenuar, nuk di ç’të them. Më lejoni të jem mistik se në ç’mënyrë tjetër mund të shpjegoj gjithë këtë. Më lejoni të citoj diçka nga Bibla, korintën: ku thuhet: sepse në një frymë u pagëzuam në një trup dhe të gjithë vijmë nga e njëjta frymë dhe shpirt, nëse një pjesëtar nderohet të gjithë gëzojmë së bashku. Unë jam i nderuar shpresoj që të gjithë të gëzojmë të gjithë bashkë për Shqipërinë. Ndërsa citoj Biblën, udhëheq një vend që e ka vëllazërinë fetare siç edhe Papa Francesku e ka pagëzuar nuk mund të largohem pa e përmbyllur me Kuranin, dhe nuk gjej dot shembull më të bukur se ajo që ndodhi sot: Njerëzimi është një komb i vetëm, faleminderit shumë.’’
Franca ka dhuruar 100 milionë euro për Shqipërinë, kurse Italia dhuroi 65 milionë euro dhe Gjermania dhuroi vetëm 11 milionë euro.
