'Together for Albania' është konferenca e donatorëve që po mbahet në Bruksel në kuadër të tërmetit të 26 nëntorit që goditi vendin tonë. Ndërkohë, kujtojmë që BE do të dhurojë plot 100 milionë euro, duke mos përfshirë këtu 15 milionët që ka dhënë KE.
Shumë shtete janë solidarizuar me vendin tonë duke dhuruar para, ku një ndër to është edhe Greqia. Bëhet me dije se ky shtet do të japë si donacion 2.5 milion euro.
Gjithashtu, ministri grek theksoi gjatë fjalës së tij se do të ndërtojnë edhe 200 shtëpi në Shqipëri.
Tërmeti i 26 nëntorit shkaktoi dëme të shumta, ku fatkeqësisht mori edhe 51 jetë.