Vetëm 20-vjeç, Marash Kumbulla është sot futbollisti momentit në Serinë A dhe jo vetë. Paraqitjet e tij fantastike me Veronën kanë tërhequr vëmendjen e të gjithë klubeve “big” të Europës,.
Teksa Napoli dhe Interi e duan prej kohësh, së fundi, në garë për të është futur edhe Liverpooli.
Mediat angleze shkruajnë se kampionët e Europës në fuqi, po monitorojnë futbollistin dhe janë të fundit që i janë shtuar klubeve kandidatë për Kumbullën.
Në listë gjenden edhe emra të tjerë prestigjiozë si Manchester United apo dhe City, ndërsa shifra që duhet t'i paguhet sot Veronës për shërbimet e lojtarit është 25 mln euro.
Kujtojmë që ndeshj e fundit në kampionat përballë Juventusit ishte një test i rëndësishëm për shqiptarin, i cili nuk u druajt aspak përballë Ronaldos me shokë dhe bëri një paraqitje fantastike.
Burimi: Dialy Mail | Përshtati: JOQ Albania