Propaganda, të cilën "Rilindja" e sheh si "armën" e saj më të fortë, duket se ka marrë të tjera përmasa.
Kësaj here bëhet fjalë për Policinë e Shtetit, e cila ditët e fundit është vënë në qendër të vëmendjes, që pas nisjes së Operacionit Forca e Ligjit (OFL), që sipas qeverisë synon të kapë "peshq të mëdhenj", por deri më tani vetëm cironka kemi parë në "rrjetën" e uniformave blu.
Ditën e djeshme, Policia e Shtetit publikoi një njoftim lidhur me një operacion, që e cilësoi si "goditje ndaj organizimit të palejuar të lojërave të fatit".
Sipas policisë, një pronar lokali nga Tirana u kap në flagrancë, pasi gjatë kontrollit të ushtruar në biznesin e tij, u konstatuan duke luajtur poker me lekë.
Policia njoftoi dje se:
Shërbimet e Policisë të Komisariatit Nr.6, në bazë të informacioneve të marra se në një lokal ushtrohej veprimtari e kundërligjshme e lojërave të fatit, arrestuan në flagrancë shtetasin E. B., 40 vjeç, banues në Tiranë, si dhe proceduan në gjendje të lirë gjashtë shtetas të tjerë. Gjatë kontrollit të ushtruar në lokalin e shtetasit E.B, në rrugën “Haki Stërmilli” në Kombinat, 6 shtetasit e proceduar tashmë nga Policia, u konstatuan duke luajtur lojëra me letra pokeri me lekë . Në cilësinë e provës materiale u sekuestruan letra pokeri dhe një sasi lekësh. Materialet iu referuan për veprime të mëtejshme Prokurorisë së Rrethit Gjyqësor Tiranë për veprat penale “Organizim ose ushtrim i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.
Lidhur me këtë ngjarje, ka reaguar edhe një nga të proceduarit nga Policia, që ndodhej në lokal.
Ai ka treguar versionin e tij të ngjarjes me anë të një mesazhi të dërguar në redaksinë e JOQ Albania.
Qytetari mohon akuzat e policisë, duke u shprehur se në momentin që erdhi policia, mbi tavolinë ndodhej kusuri i birrave që kishte lënë kamarieri.
Ai thotë se ishin duke luajtur murlan me birra dhe se kjo gjë ndodh çdo ditë në lokal.
Më tutje, denoncuesi thekson se policia nuk ka nxjerrë asnjë foto të materialeve të sekuestruara. Në njoftim thuhet në njoftimin zyrtar se janë sekuestruar letra pokeri dhe një sasi parash, por policia nuk ka publikuar asnjë foto nga operacioni, gjë e cila ngre dyshime.
Ai thotë se të katër personat që po luanin nuk kishin më shumë se 22 mijë të vjetra në total.
Qytetari ka dhe një mesazh epik për të gjithë ata që luajnë me letra dhe murlan, ku i këshillojnë të bëjnë kujdes se mund të rrezikojnë të dënohen.
Mesazhi i plotë:
Pershendetje joq! Doja te shperndaja me mbar popullin shqiptare te boj kujdes kur luaj me letra edhe murlan edhe 5 katesh cfardodhoj loje sepse do haj burgun. une jam nje nga ata qe kishte ndaluar policia e komisarjatit nr 6 ne flagrace duke luajtur murlan me birra por fatkeqesisht kamarrjeri kur solli kusur e birrave ishte ne tavoline dhe policia e sukseshme ariti te na neutralizoj duke sekuestruj njrit 5 mije te vjetra tjetrit 2 mije te vjetra nje tjetri 4 500 te vjetra dhe me bosi kishte 10 mije te vjetra. ju lutem postojeni te kuptoj populli ku jemi cfar behet e cfar po ndolle me kete popull fatkeq me keta ne polici. Jan kater veta we duan te shkruaj per kete gje por une shkruajta duke ju informuar. Luajm pernat me letra me te qerasme keta e kan nxjer si super aksjon. Pse nuk ka nxjer policija as edhe nje foto te lekeve te sekuestruara ose te tavoline se pokerit sepse ska as edhe nje gje ishte nje tavoline dhe 4 veta duke luajtur dhe 3 veta duke pare eshte qyfyre . Tani me eshte mbush mendja qe ky vend jo qe zbihet me keta ordiner por me keq po shkon gjer dje kam qen neglizhent ndaj thirjeve tuaja per proteste por nga sot me eshte mbushur mendja qe cfardolloj thirje te beni do jem i gateshem une e ata shoke. Flm"
