Kompanitë shqiptare që merren me shërbime farmaceutike dhe gjithashtu sjellin barna, janë ato që përfitojnë më shumë nga tenderat në shëndetësi. Ka shumë kompani të cilat janë bërë shumë të pasura vetëm nga fitimi i tenderave në institucionet shëndetësore.
Një ndër kompanitë e cila ka fituar tendera në institucionet shëndetësore është “ EUROMED SHPK”, e cila ka si aksioner Engjëll Hoxha dhe Hervin Fora. Vetëm në fillimin e këtij viti kjo kompani ka fituar 2 tendera me një shifër totale prej 445 milionë lekësh. Tenderin në shifrën më të madhe, kjo kompani e ka fituar nga Universiteti i Tiranës. Objekti i këtij tenderi është “Blerje pajisje dhe instrumenta laboratorike për projekt AKKSHI”, dhe ka një fond prej 360 milion lekësh. Fituesi i këtij tenderi është shpallur më 21 Janar 2020.
Një tender tjetër që ka fituar kjo kompani është nga “SPITALI RAJONAL BERAT” më një fond prej 79 milion lekësh dhe që ka si objekt “Furnizim me Kite dhe Reagente për afat 12 muaj.”. Fituesi është shpallur me 22 Janar. Pra për vetëm dy ditë kjo kompani ka arritur të fitojë një shifër stratosferike me vetëm dy tendera.
Por përveç faktit se ka fituar dy tendera në dy ditë, kjo kompani ka fituar edhe tendera të tjera nga buxheti i shtetit. Plot 160 tendera nga 33 institucione tenderuese më një shifër prej 4.8 miliardë lekësh, pra kjo kompani ka fituar një “Jackpot” të madh nga buxheti i shtetit.
Në listën e mëposhtme, disa prej tenderave që kjo kompani ka fituar gjatë dy viteve të fundit.