Lleshi trembi të fortët: Udhëtimi kriminal do ju ndërpritet! Çështje kohe! Qytetari: Sot jo iherë se asht e diel, asht pushim

"Duhet t’ua bëjmë të parehatshëm atdheun kriminelëve. Nuk mund të jetë platforma e ekspozimit të muskujve në club-e apo hapësira publike, duhet të jetë ferri i tyre.”

Kështu paralajmëroi sot gjatë një parade policeske, Rama, ku u prezantua e ashtuquajtura paketa "Anti-KÇK", e cila pritet të "tmerrojë" kriminelët, veçanërisht ata që merren me vjedhje pulash.

Deklarata e Ramës u pasua edhe nga drejtori i Përgjithshëm i Policisë së Shtetit, Ardi Veliu, i cili duke ecur në gjurmën e shefit të tij, tha se "do ua bëjmë kriminelëve të parehatshëm atdheun.

Ai tha:

Paratë do të shkojnë në favor të shtetit. Për përmbushjen e këtij prioriteti jemi të përgatitur për luftën me çdo lloj çmimi. Do ua bëjmë të parehatshëm atdheun kriminelëve.”

Dhe i fundit, por jo nga rëndësia, dora vetë ministri i Brendshëm, Sandër Lleshi, i vendosi vulën dy deklaratave të mësipërme, duke paralajmëruar se udhëtimi kriminal do të ndërpritet keq, në mos sot, nesër.

Lleshi tha:

Është thjesht çështje kohe. Udhëtimi kriminal do të ndërpritet keq. Nëse jo sot, nesër.”

Por si u komentuan këto deklarata nga opinioni publik?

Të lodhur nga premtimet boshe, qytetarët kanë ngritur pikëpyetje të forta mbi realizimin e këtyre paralajmërimeve të befta nga Rama, Lleshi e Veliu.

Një nga qytetarët i drejton me të drejtë një pyetje kreut të qeverisë dhe ministrit të Brendshëm, ku e shkruan se si mund t'i bëhet ferr jeta kriminelëve, kur ata janë që po i mbajnë në pushtet.

Ai shkruan:

Si mund t'ja besh ferr atdheun atyre qe te mbajne ne pushtet, sa politikane mosmirenjohes."

Ndërsa një tjetër qytetar ka ironizuar togfjalëshit "nëse jo sot, nesër" në deklaratën e Lleshit, duke iu përgjigjur me një koment pikant.

Ai shkruan:

Sot jo iher se asht dite e diel, asht pushim."