Të tjera detaje kanë dalë në dritë nga vrasja makabre në Korçë, ku u qëllua për vdekje me sëpatë 50-vjeçari Dashnor Osmani. Si fillim, Zamir Topi rrëfeu se e goditi viktimën pasi kishin pasur një konflikt për vite me radhë për një vend varri, por më pas ai ka ndryshuar dëshminë.
Nga raportimet e reja, thuhet se autori është një person me probleme mendore dhe ka thënë se ka pasur lidhje intime me gruan e Dashnor Osmanit. Mesa duket, tanimë do të hetohet një tjetër pistë, pikërisht ajo e krimit të pasionit.
Nga ana tjetër,bëhet me dije se janë shoqëruar në polici edhe familjarët e viktimës për të rrëfyer detaje rreth ngjarjes horror.
Dashnor Osmani dhe Zamir Topi ishin që të dy banues në fshatin Pocestë.