Masakroi me sëpatë 50-vjeçarin, flet autori: Vendosi eshtrat e së ëmës te varri i nënës sime, nuk jam kriminel

Të tjera detaje janë bërë me dije nga ngjarja makabre që ndodhi ditën e sotme në qytetin e Korçës. Viktimë mbeti Dashnor Osmani, 50 vjeç i cili u qëllua disa herë me sëpatë në kokë nga Zamir Topi, 42 vjeç.

Ky i fundit është arrestuar nga policia dhe ka rrëfyer se me viktimën ka pasur konflikte që më herët.

Mësohet se të dy bashkëfshatarët janë grindur për një vend varri, ku autori thotë se 50-vjeçari ka vendosur eshtrat e nënës së tij tek varri i nënës së Topit. Më tutje, gjatë rrëfimit, Zamir Topi tha se nuk është kriminel por nuk gjente qetësi derisa qëlloi.

Autori ka thënë:

E godita disa here me sëpate të cilën e bleva sot në mëngjes. Ishalla nuk vdes. Nuk dua të bej krim. Unë nuk jam kriminel. Prej vitesh jemi grindur me njëri tjetrin. Ai vendosi eshtrat e nënës së tij tek varri i nënës time. Nuk e duroja dot këtë gjë. E kisha paralajmëruar. Nuk gjeja qetësi. I thashë sërish sot por nuk mori vesh. Ndaj e godita.

Ndërkohë, JOQ Albania ka siguruar foton e sëpatës, që Topi qëlloi disa herë Osmanin derisa e la të vdekur.