Një elefant i vogël albin është shpëtuar pasi u bllokua në një lak për katër ditë. Ajo pësoi lëndime të mëdha, përfshirë një shenjë tepër të dukshme në pjesën e fytyrës.
Kafsha, e cila është e gjinisë femër dhe quhet Khanysia, ka lëkurë të rrallë rozë dhe jo siç e kanë gjithë kafshët e tjera të llojit të saj, ngjyrë gri. Ajo u gjet e kapur në lak në një rezervuar privat në kufi me Parkun Kombëtar Kruger në Afrikën e Jugut, tërësisht e vetme.
Khanyisa kishte çarje të rënda në pjesën pas veshëve dhe në qafë. Laku i kishte mbështjellë edhe pjesën e fytyrës, ku më të dëmtuarat janë faqet dhe pjesa e gojës, ku edhe ka ngelur një shenjë mjaft e dukshme.
Plagët që kafsha e gjorë kishte marrë ishin aq të mëdha, saqë sorrat kishin nisur ta hanin në pjesën e faqeve, duke krijuar vrima të mëdha rreth gojës. Për fat të mirë, elefanti i vogël u shpëtua nga një organizatë e shpëtimit të këtyre kafshëve, e quajtur “Hoedspruit Elephant Rehabilitation and Development (HERD)”. Tani ajo ndodhet në duar të sigurta dhe ka një shtëpi të re.
***
Burimi: LadBible|Përktheu dhe përshtati: JOQ Albania