Aleksandër Pemaj është shqiptari i arrestuar ditën e sotme në Greqi, i dyshuar si koka e grupit kriminal që po transportonte 1.2 ton kokainë nga Karaibet për në shtetin helen.
Pemaj rezulton një emër i njohur për drejtësinë, pasi është dënuar disa herë për vepra penale tepër të rënda. Shihet se në kanalin youtube ekziston edhe një këngë mbi të, realizuar kur ai ishte pas hekurave dhe që shoqërohet me foto nga qelia e burgut.
Në tekstin e këngës përshkruhet aktiviteti i tij në burg, ndërsa thotë se do të dalë sërish dhe se askush nuk e ndalon dot.
Kujtojmë se të gjithë të arrestuarit ishin të skeduar prej policisë, edhe për ngjarje të tjera kriminale, madje të gjithë kishin kryer dënime në burgjet greke.
Në cilësinë e provës materiale prej 1181 kg kokainë e pastër, vlera e së cilës llogaritet në mbi 50.000.000 euro, u sekuestruan edhe shuma kesh prej 231.000 euro,3 pistoleta,1 kallashnikov,5 autovetura dhe 19 celularë.
