Mediat greke kanë zbardhur detaje të reja nga operacioni në Astakos të Aitoloakarnania në Greqi, ku u kapën 1.2 ton drogë, si dhe u arrestuan gjashtë shqiptarë. Ata zbuluan se "organizatori" ishte një shqiptar.
Sipas policisë greke, kreu i organizatës është 41 vjeçari, Aleksandër Pemaj, një emër i njohur në botën e krimit shqiptar në Greqi.
Sipas policisë, Pemaj ka qenë edhe herë të tjera në burg, madje ai është dënuar disa herë nga drejtësia për vepra penale tepër të rënda.
Ai ka qenë anëtar i bandës së Marian Kolajt, një i arratisur nga burgjet greke, i cili u ekzekutua prej policisë greke, gjatë një përleshjeje të armatosur në afërsi të kufirit shqiptar.
Itinerari i ngarkesës prej 1.2 ton kokaine, ishte nga ishujt Vincent në Karaibe dhe ishte transportuar me jaht deri në lindje të Greqisë, ku ishte vendosur në disa dhoma me qira në një zonë të banuar të Astakos.
Kurse në jahtin me të cilin kishte ardhur droga u gjetën kallashnikovë dhe pistoleta, të cilat policia e konfiskoi.
Prej andej disa persona të tjerë do të vinin ta merrnin për ta çuar më pas jashtë Greqisë.
Topchannel raporton se të gjithë të arrestuarit ishin të skeduar prej policisë, edhe për ngjarje të tjera kriminale, madje të gjithë kishin kryer dënime në burgjet greke.
Në cilësinë e provës materiale prej 1181 kg kokainë e pastër, vlera e së cilës llogaritet në mbi 50.000.000 euro, u sekuestruan edhe shuma kesh prej 231.000 euro,3 pistoleta,1 kallashnikov,5 autovetura dhe 19 celularë.
Emrat e te arrestuarve shqiptare nga aksioni për sekuestrimin e 1181 kg kokaine janë:
SANDËR PEMA
ARBËR PËRDEDA
ERGON TUSI
ERLIN ZOTAJ
LEK DODA
MAKSIM PREÇI
