Një kontroll i befasishëm i karabinierëve pas disa sinjaleve të marra në rrugë operative, ka vënë në pranga një 37-vjeçar shqiptar dhe të fejuarën e tij, një 32-vjeçare italiane.
Ata u arrestuan pasi gjatë kontrollit të ushtruar në mjetin e tyre, policia gjeti dhe sekuestroi 19 gramë kokainë.
Në momentin e kontrollit të ushtruar nga policia, ata po furnizonin makinën e tyre në një karburant.
Policia gjeti edhe 19 gramë heroinë, 5 gramë të tjera kokainë, si dhe një pistoletë me karikatorin e mbushur me 13 plumba brenda, pas kontrollit të ushtruar në banesën e çiftit shqiptaro-italian.
Policia italiane njoftoi se çifti udhëtonte nga zona e Bergamos drejt Milanos për të shpërndarë lëndën narkotike.
Autoritetet italiane po verifiojnë nëse arma e gjetur është përdorur në ndonjë vepër penale apo jo.