Ndeshja e sotme mes Valencias dhe Barcelonës, është shoqëruar me përleshje të dhunshme midis dy tifozerive.
Pak para nisjes së ndeshjes, e cila po luhet në stadiumin "Mestalla", ultrasit e të dy ekipeve u përplasën, duke hedhur në drejtim të njëri-tjetrit karrige, flakadanë e objekte të ndryshme.
Por jo vetëm kaq! Tifozeritë janë goditur edhe me shkopinj me njëri-tjetrin dhe janë përleshur fizikisht.
Autoritetet lokale besojnë se përleshja ka ndodhur mes tifogrupit Boixos të Barcelonës dhe tifogrupit Yomus të Valencias.
Në pamjet e filmuara pranë stadiumit, tifozët shihen teksa përdorin si "armë" ç'të gjejnë përpara.
Forcat e policisë ndërhynë menjëherë duke bërë të mundur shuarjen e përleshjes dhe shpërndarjen e tyre.
Mendohet se përleshjet kanë të bëjnë me motive politike, pasi dy tifogrupet e përfshira në përplasje kanë pikëpamje të kundërta ideologjike.
Grupi "Boixos" janë mbështetës të flaktë të pavarësisë së Katalonjës, ndërsa Yomus janë kundër.
Deri më tani nuk ka njoftime për arrestime të tifozëve.
Burimi: The Sun|Përktheu dhe Përshtati: JOQ Albania
