Anëtari i kryesisë së Partisë Demokratike, Kreshnik Çollaku, ka publikuar disa mesazhe në një postim në rrjetet sociale, ku sipas tij drejtuesit e arsimit urdhërojnë mësuesit të bëjnë propagandë për Ramën.
Çollaku shkruan se janë urdhëruar të gjithë drejtorët e shkollave në Tiranë, të detyrojnë të gjithë mësuesit në kryeqytet të shpërndajnë në rrjetet sociale aktivitetet e kryeministrit Rama.
Ai e cilëson këtë si propagandë të neveritshme, që provon degradimin e plotë të sistemit arsimor.
Demokrati thekson se kjo është një provë që dëshmon se në Shqipëri është instaluar "Regjimi", ndërsa i krahason këto sjellje me ato që ndodhin në Korenë e Veriut.
Statusi i plotë:
Mesuesit urdhërohen të bëjnë propogandë për Kryeministrin… ————- Sot përmes Drejtorit te ZVAT (zyra vendore arsimore tiranë), janë urdhëruar të gjithë Drejtorët e Shkollave në Tiranë, të detyrojnë të gjithë mësuesit e Tiranës të shpërndajnë në rrjete sociale aktivitetin e ditës së Kryeministrit.
Kjo propogande e neveritshme që qelb erë nga epoka e Lenka Çukos është prove e degradimit të plotë të sistemit arsimor, dhunimi flagrant i shtresës më të vyer të shoqërisë mësusit, është një provë se në Shqipëri është instaluar Rregjimi. Sjellje të tilla janë të denja vetëm për Kore të Veriut. #NEVERI
