Turqia Lindore u godit mbrëmë nga një tërmet shkatërrimtar me magnitudë 6.8 sipas shkallës Rihter.
Deri më tani autoritetet kanë konfirmuar 22 viktima dhe mbi një mijë të plagosur, ndërkohë që shumë të tjerë vijojnë të jenë të bllokuar nën rrënoja.
Pamjet dramatike që vijnë nga Turqia, na sjellin në kujtesë momentet e dhimbshme që përjetoi vendi ynë dy muaj më parë gjatë tërmetit të 26 nëntorit, që la pas 51 viktima dhe mbi një mijë persona të plagosur.
Së fundmi, momente të trishta kanë ardhur nga qyteti Elazig i Turqisë, i cili ishte ndër zonat më të prekura nga tërmeti, ku vijojnë operacionet e kërkim-shpëtimit për nxjerrjen e trupave të gjallë nga rrënojat.
Në një video të publikuar në mediat turke, gazetarja e CNN Tur nuk i mbajti dot lotët dhe shpërtheu duke qarë live, teksa raportonte nga terreni operacionin që po bëhej poshtë në rrënojat e një ndërtese.
Mes lotësh, ajo thotë:
Në sfond dëgjohet thirrja e një pjesëtari të forcave të kërkim-shpëtimit, që u kërkon njerëzve që presin tërë ankth të rrinë në qetësi, pasi duan të dëgjojnë zërat që mund të vijnë nga rrënojat.