Një 37-vjeçar është arrestuar në Gjermani, falë shkëmbimit të informacionit mes Interpol Tirana dhe autoriteteve policore gjermane.
Burime nga policia bëjnë me dije se shtetasi Elton Sako, banues në Tiranë, është ekstraduar drejt Shqipërisë, pasi u kap në Gjermani.
Sako akuzohet se në bashkëpunim me dy persona të tjerë, kanë grabitur një banesë në vitin 2012 nën kërcënimin e armëve dhe të maskuar, duke vjedhur një sasi bizhuterish.
Në banesë ndodhej një vajzë e mitur, e cila është terrorizuar nga autorëtr e grabitjes.
37-vjeçari shqipta rishte dënuar me 9 vjet burg në mungesë nga Gjykata e Krimeve të Rënda për veprën penale "Vjedhje me dhunë, e kryer në bashkëpunim".
Njoftimi i Policisë
Nga Zyra Qëndrore Interpol Tirana u krye ekstradimi nga Gjermania drejt vendit tonë, i shtetasit shqiptar Elton Sako, 37 vjeç, banues në Tiranë. Ky shtetas ishte i shpallur në kërkim ndërkombëtar nga ZQK Interpol Tirana, pasi Gjykata e Krimeve të Rënda e ka dënuar me 9 vite burg, për veprën penale “Vjedhje me dhunë e kryer në bashkëpunim”.
Shtetasi Elton Sako, në bashkëpunim me shtetasit S. M., dhe L. M., në vitin 2012 kanë hyrë në banesën e shtetasit V. B., në rrugën “Qemal Stafa”, ku në banesë ndodhej vajza e mitur dhe nën kërcënimin e armëve dhe të maskuar kanë vjedhur një sasi bizhuterish.
Falë informacioneve të marra nga strukturat e Policisë së Shtetit për vendndodhjen e këtij personi, si dhe shkëmbimit të informacionit mes Interpol Tirana dhe Policisë Gjermane u bë i mundur lokalizimi dhe arrestimi i 37-vjeçarit me qëllim ekstradimi drejt vendit tonë.
Foto ilustruese
