Një grua e shtrirë në Klinikën Infektive në Qendrën Klinike Universitare të Kosovës ka ndërruar jetë më 23 janar si pasojë e gripit sezonal.
Lajmin e ka konfirmuar mjeku kujdestar Valbon Krasniqi, i cili tregoi se janë edhe tre persona tjerë në kujdes intenziv, raporton JOQ Kosova.
“Të vdekur i kemi dy raste një i moshuar në muajin dhjetor – i cili ka pasur probleme kronike të mëhershme, ndërsa rasti i fundit është pardje më 23 janar, një grua e lindur në vitin 1970 ka ndërruar jetë – edhe kjo paciente ka pasur probleme të mëhershme me mushëri ndërkohë që tek ne në klinikë ka ardhur më 14 janar”, ka thënë doktori.
Po ashtu, bëhet e ditur se janë edhe 16 raste me gjendje jo të mirë që janë të shtrirë në Klinikën Infektive.
Sipas QKUK-së, tre pacientë janë në gjendje të rëndë dhe janë të shtruar në spital prej disa ditësh.
Ndërsa simptomat që pacientët e prekur kanë janë: plogështi, ethe dhe temperaturë e lartë deri në 40 gradë, kollë e theksuar, probleme më frymëmarrje, dhimbje e trupit dhe e kyçeve.