Presidenti i shtetit, Hashim Thaçi dhe ministri në detyrë i Ministrisë së Jashtme, Behgjet Pacolli, kanë shprehur ngushëllimet e tyre ndaj të prekurve nga tërmeti që goditi Turqinë mbrëmjen e së premtes.
Thaçi shprehu ngushëllimet e tij ndaj atyre që u prekën nga tërmeti dhe tha se Kosova është e gatshme të dërgojë ndihmën e saj.
“Zemrat tona janë me familjet e viktimave dhe atyre që u lënduan nga tërmeti që goditi Elazigin. Kosova është e gatshme të dërgojë ndihmë të menjëhershme operative, ne qëndrojmë me popullin dhe Qeverinë e Turqisë në këto momente tragjike”, shkruan Thaçi.
Gjithashtu, edhe ministri Pacolli shprehu ngushëllimet e tij dhe të lënduarve ju uroi shërim të shpejtë.
Ndryshe, Kosova ka njësi të vecantë të kërkim-shpëtimit, e cila u vlerësua shumë gjatë operacionit në Shqipëri.
