E gjithë bota është në panik për shkak të virusit vdekjeprurës kinez. Deri më tani raportohet se 41 persona kanë humbur jetën prej tij.
Ndërkohë që ky virus ka ardhur në Europë. Thuhet se tre raste janë konfirmuar në Francë. Kurse ambasadori i Shqipërisë në Kinë, Selim Belortaja u ka bërë thirrje të gjithë shqiptarëve që të anulojnë vizitat në Kinë.
Ai ka publikuar edhe një foto nga Kina, ku shfaqet duke mbajtur një maskë në fytyrë.
Krahas kësaj fotoje në postimin e tij në rrjetet sociale, ai shkruan coronavirusi jo vetëm po merr jetë njerëzish por për shkak të potencialit të një rreziku në përmasa që mund të imagjinohen, po shtrëngon autoritetet të zbatojnë masa super të rrepta per frenimin e epidemisë, si mbyllje e transportit, superkontroll i lëvizjes se njerëzve, anulim i festimeve e grumbullimeve.
Në Kinë është ndërtuar edhe një spital për 6 ditë për ta përballuar atë që po ndodh. Numri i të infektuarëve ka shkruar në mbi 1000 veta.
Postimi i plotë:
Te dashur miq e bashkekombas kudo ku jeni. Siç e dini Kina po kalon nje situate dramatike. Coronavirusi jo vetëm po merr jetë njerëzish por për shkak të potencialit të një rreziku në permasa që mund të imagjinohen, po shtrëngon autoritetet të zbatojnë masa super të rrepta per frenimin e epidemisë, si mbyllje e transportit, superkontroll i lëvizjes se njerëzve, anulim i festimeve e grumbullimeve, si dhe disa shërbimeve publike në disa qytete, tashmë edhe përtej provincës Hubei dhe kryeqendrës Ëuhan ku virusi shpërtheu dhe beteja eshte perqendruar. Numri faktik i vdekjeve nuk e shfaq mirë potencialin e rrezikut që është pranuar edhe nga OBSh dhe qe potencialisht mund të agravojë ne ditet ne vijim. Aitoritetet dhe mjekësia ketu po punojne heroikisht. Këshilloj fort që, derisa situata te merret plotësisht nen kontroll, udhëtimet dhe kontaktet fizike me Kinën ti shtyni për më vonë! Ju lutem informohuni sa më mirë e binduni vetë para se ti hyni nje situate me shume rrezik nga virusi por edhe të papritur per shkak te kontrolleve te pazakonshme.‘‘