Sulmuesi i Chelseat, Michy Batshuayi rrezikon burgun. Ai është hedhur në gjyq nga ish e dashura e tij sepse nuk paguan shpenzimet mujore që i takojnë për vajzën e tyre 2-vjeçare.
Edhe pse paguhet 100 mijë paund në javë, sulmuesi belg nuk shlyqn detyrimet e tij prindërore.
Ai është urdhëruar nga gjykata që t’i paguajë një rrogë mujore ish të dashurës së tij Gite Van der Elst, e cila e akuzon se mungojnë dy pagesa mujore prej 2 mijë paundësh secila, ndërsa shumë të tjerat thotë se ai i vonon.
Nëna 26- vjeçare e ka denoncuar futbollistin për braktisjen e fëmijës dhe sipas ligjit belg, për një akuzë të tillë ligji parashikon përveç gjobës edhe një dënim me burg prej 6 muajsh.