Liverpooli është i pandalshëm në Premier League. Skuadra e kuqe mposhti Man. Unitedin me rezultatin 2-0 në “Anfield” për javën e 23-të, duke e rritur në 16 pikë diferencën nga ndjekësi më i afërt.
Rezultati mund të ishte më i thellë nëse Momo Salah nuk do të ishte treguar amator në fillim të pjesës së dytë, ku i gjendur i vetëm me De Gean, bëri më të vështirën e mundshme, me një goditje qesharake.
Gjithsesi, egjiptiani e korrigjoi gabimin në minutat e fundit, ku shënoi golin e dytë. Por kjo gafë e Salah, është duke bërë xhiron e rrjetit dhe sulmuesi është bërë gaz i botës.