Doktori Erich Voigt, një otolaringolog shumë i njohur në Amerikë ka shpjeguar se përse nuk duhen hequr qimet e hundës.
Ai ka treguar se qimet e hundës filtrojnë shumë grimca pluhri. Doktori ka thënë më tej se ekzistojnë dy lloje të qimeve të hundës.
Ato që mund të shihni dhe dëshironi t’i hiqni të quajtura vibrissae dhe qimet mikroskopike, të cilat janë përgjegjëse për filtrimin e mukusit dhe lëvizjen e tij në pjesën e prapme të hundës.
Sipas këtij mjeku qimet e hundës nuk duhen hequr sepse mikrobet dhe grimcat pranë folikulave mund të futen brenda trupit tonë dhe të shkaktojnë infeksione të shumta.
Gjithashtu ky mjek ka shpjeguar se zona në fytyrë midis gojës dhe hundës quhet ndryshe edhe si “trekëndëshi i rrezikut”. Kjo sepse ajo është mjaft e ndjeshme dhe çdo infeksion që krijohet mund të kalojë në tru.
Ndaj nëse doni të mos vuani nga infeksione të ndryshme qimet e hundës nuk duhen hequr sipas mjekut.