Të tjera detaje nga vrasja e Guxim Gjyriqit ka nxjerrë në dritë mbrëmjen e sotme gazetari i njohur investigativ, Artan Hoxha. Ngjarja e rëndë ndodhi ditët e para të janarit në Tropojë, konkretisht në Bajram Curr.
Ndërkohë, në Abc news ai tha sonte se vrasja e Tropojës është “vrasje me mesazh”. Me pak fjalë, autorët kanë dashur të përcjellin një mesazh diku me ekzekutimin e Gjyriqit.
“Guxim Gjyriqi që u vra kishte 20 vite rresht që jetonte i patrazuar në Tropojë. U vra duke ecur me duar në xhepa pasi kishte mbyllur lokalin e tij. Para ngjarjes, jeta ishte krejt normale madje shumë të rinj janë kthyer nga emigracioni për të jetuar atje. Pas ngjarjes qyteti ishte i trazuar. Unë pashë se sa binte nata njerëzit hynin brenda”, tha Hoxha në emisionin e Mustafa Nanos, “Provokacija”.
Ndërkohë, ditën e djeshme gazetari publikoi videon nga eliminimi i Gjyriqit, ku shiheshin nga kamerat e sigurisë, autorët teksa largoheshin me shpejtësi nga vendngjarja.