Ditën e sotme një lajm i rëndë tronditi mbarë opinionin publik. Nga dëshmitarë të çastit u bë me dije se dy persona të maskuar futën forcërisht në makinë një burrë që ecte në këmbë. Fill pas ngjarjes, autorët u larguan me makinën që për herë të fundit është parë në Urën e Gjoles, ndërkohë që mendohet se ka humbur gjurmët në Fushë-Krujë.
Është bërë me dije se personi që është marrë peng quhet Jak Prenga, 49 vjeç banues në zonën e Kamzës.
Kamerat e bizneseve të zonës kanë ndihmuar në formimin e i identikitit të autorëve të dyshuar, por nuk është bërë ende identifikimi i tyre.
Më shumë se 10 persona kalimtarë të rastit, apo edhe banorë të zonës, janë marrë në pyetje në momentin kur ka ndodhur pengmarrja.
Dyshohet se pengmarrja ka ndodhur për konflikte të çastit, teksa nuk dihet ende nëse ai është gjallë.
Foto ilustruese