Një ngjarje tragjike shokoi jo vetëm Laçin, por të gjithë Shqipërinë ditën e sotme. Një fëmijë 2 vjeç u përvëlua nga flakët, pasi u dogj kasollja gjatë pasdites dhe për pasojë ndërroi jetë.
Shumë dëshmitarë, por edhe fqinjë folën për momentin e tmerrshëm që ndodhi në familjen Çoku në Sanxhak të Laçit. Por, edhe babai i të miturit ka dhënë një deklaratë mbrëmjen e sotme për Abc News.
Ai tregon se tragjedinë e ka marrë vesh në momentin kur ndodhej në punë. “Isha në punë më thanë se ka ra zjarri o dogj kalamani”, tha ai.
Theksohet se kjo familje jeton në kushte ekstreme, ku 8 fëmijë të mitur ushqehen vetëm me paratë që mblidhen nga shitja e kanoçeve. Shkaqet e zjarrit nuk janë zbuluar ende, por paraprakisht thuhet se fëmija ka ndezur një shkrepëse.
