‘Jo më lali, u nis me ma fut’, plasin përgjimet e radhës të Endrit Dokles nga burgu për trafikun e drogës

Shkruar nga: A Gjoni | Publikuar më: 17.01.2020, 17:59

Gazeta “Si” publikon edhe sot pjesë nga dosja në të cilën Endrit Dokle u shpall fajtor për trafikimin e heroinës dhe u dënua me 18 vite burgim. Ai përshkruhet si personi që koordinon përmes numrave telefonikë të identifikuar nga italianët se i posedonte në burg dhe pikërisht prej andej ai jepte urdhrat për secilin. Në një moment, prokuroria përshkruan se Dokle i shkruan mesazh nga qelia Jorid Xhungës, në kohën kur burgjet deklaronin se aparatet telefonikë ishin të ndaluar dhe se prej andej nuk pipëtinte askush. Më 6 shtator 2008, teksa po gjykohej për bandën e Durrësit, Dokle i shkruan mesazh Jorid Xhungës me urdhrin “mbaroje punën e nisur”. Më pas, Dokle i shkruan sërish “Tako nesër Lalin (Isuf Bunën), dhe flisni bashkë me Kuqin, se ti do dalësh i keq, më dëgjo mua. Se dhe të premten filloi tu bërtit ai psikopati o Ruq. Inshallah po mbarojm mrena mujit se lam nam o lal”.

Bashkëpunëtori i tij, Jorid Xhunga, i përgjigjet menjëherë brenda minutës “duhet ta mbarojmë se s’bën”.

Gjatë bisedave në ditët në vazhdim mes të dyve, Dokle shprehet i shqetësuar për shitjen e drogës në Itali, të cilën e kishte marrë përsipër një person me nofkën Kuqo. Por se kush është Kuqo zbulohet nga vetë Dokle, i cili pasi ka mbyllur një bisedë me Ervin Bakrin (më vonë i arrestuar me heroinë nga italianët) telefonon Jorid Xhungën dhe i tregon që sapo kishte folur me Kuqin, raporton "gazetasi.al".

Dokle: Tashti sa fola me Kuqin, s’po marr vesh asnjë gjë çfarë po bëhet e çfarë thotë. Nuk e di tashti.

Joridi: Ik, flasim mbasdite.

Në të njëjtën periudhë, Endrit Dokle është i tensionuar pasi droga me gjithë ditët që po iknin, nuk po shitej në Itali. Telefonata zhvillohet me Isuf Bunën.

Dokle: Merre Rucin *Jorid Xhungën* në telefon dhe thuaj mbasdite urgjentisht në Tiranë, thuaji njërit prej atyre çunave atje urgjentisht të vijë këtu, thuaj të vijë të takojë mu.

Buna: Pse kështu lali apo ke ndërruar strategji?

Dokle: Nuk vjen kush… njëri prej jush të vijë urgjentisht këtu të sqarojë muhabetet.

Dokle kërkon shpjegime sipas transkriptit që gazeta “Si” disponon edhe në bisedën telefonike me Joridin.

Dokle: Nuk janë gjëra për tu tall këto o lali, nuk janë gjëra me nejt me bo festë, këto janë gjëra me u nejt te koka, me marrë vesh brenda javës, bëhet a s’bëhet e me çu tjetër kënd me e marrë, jo mbas dy muajsh. Janë gjëra me qeder o burrë… çfarë me të thënë unë ty, çfarë t’i them unë atij o vëlla? Ai më merr mua, më merr mua ore, më thotë fol ore… ku di gjë unë… më ha… mua me u përzi tashti.. mbaj edhe burg, mbaj edhe stres në kokë. Ik takoje, merre atë në telefon.

Joridi: Si si?

Dokle: Me ardh ndonjë nga ata këtu që duhet me e sjell patjetër ti.

Joridi: Po.

Dokle: Me i thënë të vijë këtu ta takoj, ti se ke idenë çfarë kam për ti bë. Idenë më të vogël nuk e ke, ja për kokën time, çfarë të them unë ty.

Jo vetëm kaq, në kohën kur shpërndarja e heroinës ka ngecur, atëherë Dokle merr sërish përsipër të gjejë të tjerë për të realizuar shitjen e mallit. Bashkë me këto probleme, italianët realizojnë goditjen e parë, duke arrestuar tre bashkëpunëtorë, mes tyre edhe Kuqin e duke bllokuar më se 13 kg heroinë. Droga ishte e dërguar gjatë muajit gusht dhe ishte njëra nga ngarkesat prej 20 kilogramë. Të tjerët përfshi edhe Doklen fillojnë të flasin për arrestimin e shokëve, sasisë së heroinës së kapur dhe fatit të parave prej pothuajse 7 kg heroinë që ishte shitur nga gjithë ngarkesa.

Dokle: Jam sëmurë, jam sëmurë

Buna: Ëë?

Dokle: Jam sëmurë krejt them

Buna: Jo, ore..

Dokle: Po, po

Buna: S’ka problem po hë, hajd lalush.

Dokle: Shko e tako atë qeros dhe thuaji që kështu kështu më ka ndodhur, thuaji ti kam borxh dhe hajd shëndet.

Dokle: Mos u mërzit.

Buna: Jo më lali… U nis me ma fut, ma futën hallall.

Dokle: Jo, ti nuk ke pse e konsideron kështu.

Buna: A e kupton jemi një familje, por… u nisën kishin muaj që u nisën. Nga e more vesh ti?

Dokle: Po fola me atë që ke ti atë numrin… I ka shku me e marrë atje ku i ka thënë, me e lënë dhe i ka dalë dardhë. Mundohu me e taku atë qerosin.

Buna: Qerosit iu vë gjobë unë jo në emrin tim, me vu të tjerët

Dokle: Po duhet me e taku se duhet prapë.

Buna: Unë nuk takoj njeri, kërkënd o Endrit, asnjë… hajd.

Dokle e qetëson shokun me shprehjen se këto gjëra u ndodhin të gjithëve, ndërkohë që Isuf Buna i shpjegon se aksioni kishte ditë që kishte nisur dhe se po e shikon tek teleteksti. Madje Buna mundohet të bëjë humor duke parashikuar se “unë jam jashtë, po qe puna unë jam i dëmtuari në këtë rast se më bien tek dhoma jote e rrimë bashkë, unë rri lart e anasjelltas”.

Në vazhdim të transkripteve të gjithë anëtarët e grupit përpiqen të gjejnë përgjegjësit dhe shkaqet se përse dështoi trafiku i heroinës. Pasi u ka kërkuar secilit llogari dhe ka kërkuar edhe detaje, Dokle ideon sërish trafikimin e ngarkesës tjetër. Anëtarët e grupit pas këtij momenti ndërrojnë numrat dhe i shkruajnë sipas nofkave numrat e rinj. Por, ndërkohë grupi vazhdon të kërkojë lekët për shitjen e 6.330 kg në Itali dhe shpesh fajësojnë Joridin që sipas tyre nuk i kishte dorëzuar të ardhurat e heroinës te Shefqet Vata. Në këtë moment, në episodin e dytë përfshihen edhe emra të rinj mes tyre Mokja (Edmond Taulla), i cili komunikon me një tjetër shqiptar që jeton në Itali të quajtur, Elis Deda.

Prokuroria në dosjen që gazeta “Si” disponon shpjegon udhëtimin e Dedës për t’u takuar personalisht me Isuf Bunën dhe Shefqet Vatën dhe përmend edhe premtimet e tij se kishte gjetur një treg të mirë. Në këtë moment, Vata dhe Buna njoftojnë Doklen thuhet më tej në fashikujt që gazeta “Si” disponon. Dokle pyet Isuf Bunën.

Dokle: A marut punë?

Buna: Folëm, e u sqaruam.

Dokle: A u sqaruat mirë?

Buna: Lashë Cetin (Vatën) për atë punë.

Dokle: Mirë, mirë …a u morën vesh ata?

Buna: Po, normal që po

Pas kësaj bisede edhe në këtë episod ngarkesën e merr përsipër Izet Krasniqi, i cili përmes një numri boshnjak dërgon një adresë në telefonin e Elis Dedës me tekst “Bergamo” dhe adresën e hotelit. Pikërisht, kjo është edhe adresa ku është pritur ngarkesa e dytë prej 20 kilogramë.

Izet Krasniqi flet në telefon me boshnjakun që e kishte nënkontraktuar për transport.

Krasniqi: Ej shok

Boshnjaku: Ej mik

Krasniqi: A je gjallë?

Boshnjaku: Akoma është festë, a më kupton?

Krasniqi: Po, po të kuptoj.. a do jetë për të dielën?

Boshnjaku: Të mërkurën mendoj se do jetë atje

Kjo bisedë dhe të tjera më pas konfirmojnë se heroina do mbërrinte të mërkurën. Ashtu sikurse në disa raste anëtarët e quanin në mënyrë figurative si nipçja.

Prokuroria sqaron në dosje se tre shtetas boshnjakë janë përfshirë si trafikun e heroinës, të cilëve nga një sërë dëshmish u janë dërguar para nga Shqipëria, në emra të tillë sikurse Bledar Eskiu i dërgon 3 mijë euro Nedzad Cufurovic në Sarajevë. Pas kësaj dërgese, ai i shkruan Krasniqit“OK, do shihemi nesër, shkon tek byrazeri. S’ka ngutje”.

Në vazhdim, prokuroria përmend një sërë kërcënimesh mes anëtarëve për të përshpejtuar shitjen e heroinës, por edhe emra të tjerë të dyshuarish që përfshihen në operacionin e heroinës apo edhe italianë. Në një moment nervozizmi, anëtarët e grupit të Dokles ankohen te njëri-tjetri, duke pyetur se kush kishte hyrë garant për Elis Gurin që e kishte quajtur djalë të mirë, ndërkohë që nga ana tjetër edhe boshnjaku i shkruan mesazh Krasniqit, duke kërkuar lekët e tjera, pasi kishte mbaruar punë dhe e kishte dorëzuar byrazerin.

Boshnjaku: Unë me ju kam më shumë se një vit që punoj. Unë me gishta nuk i prek mik, unë as çmimet nuk i kam lëvizur, kam qenë i ndershëm. Unë mundesha t’u vidhja, por kurrë se kam bërë.

Mesazhi i boshnjakut ka vënë në lëvizje grupin për të shpejtuar shitjen e heroinës, duke kërkuar edhe angazhimin e një italiani, i cili sapo merr gati tetë kg heroinë, bllokohet nga italianët dhe arrestohet.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit