Duke ecur në hapat e kryerilindasit Rama, kreu i Bashkisë së Tiranës, Erion Veliaj vijoi "show-n" e rradhës me banorët e prekur nga tërmeti i 26 nëntorit.
Këtë herë ai u ndal në shtëpinë e re të familjes Sala në fshatin Pinar të Tiranës, e cila u ndërtua nga këngëtarja me origjinë shqiptare, Rita Ora.
Ashtu si dhe në takimet e tjera, edhe këtë herë Veliaj nuk hezitoi të përdorte propagandën e tij dhe të fliste për gjëra që nuk kanë aspak lidhje me tërmetin, por që i shërbejnë "fasadës" së tij politike, me të cilën përpiqet të 'përlyejë' çdo qytetar që takon dhe çdo vend ku shkel.
Teksa po bashkëbisedonte me familjarët, kryebashkiaku i Tiranës foli edhe për projektin e shumëpërfolur të Unazës së Re, të cilin e cilësoi "një copë rrugë".
Mirëpo, kësaj "cope rrugë", siç e cilëson Veliaj, i dolën të palarat disa muaj më parë, kur u zbulua afera korruptive e Bashkisë dhe Qeverisë, ku ndërtimi i 2 km rrugë tek Unaza e Re do t'i kushtonin plot 40 milionë euro buxhetit të shtetit, nëse rasti nuk do të ishte bërë publik në media, duke detyruar qeverinë të tërhiqej.
Ndër të tjera, Veliaj përmendi edhe Teatrin, duke u shprehur se "zihemi për Teatrin, zihemi për budalliqe dhe më pas vjen një tërmet një ditë dhe shuan gjithçka".
Muret e atij Teatri, të cilin Veliaj së bashku me Ramën kërkojnë ta shembin, pasi e cilësojnë si "kasolle", nuk pësuan as dëmtimin më të vogël, as në tërmetin e 21 shtatorit dhe as në atë të 26 nëntorit.
Ai tha:
Ajo që duhet theksuar në këtë rast është se për çfarë arsyesh, Veliaj duhet të përmendte në bashkëbisedimin me banorët e prekur nga tërmeti çështjen e Teatrit apo të Unazës së Re, në një ambient jo politik, kur mund të kishte zgjedhur shembuj të tjerë për të bërë krahasimet e tij propagandeske? Mos ndoshta s'ka për t'i dalë ndonjëherë e keqja ndaj banorëve të Unazës dhe artistëve të Teatrit, të cilët duhet theksuar se i ka "halë në sy"?
Deklaratën e Veliajt për Teatrin dhe Unazën e Re mund ta ndiqni në minutën e 24:03 të videos së mëposhtme:
